நடை பயணம்

வேண்டும் என்ற நினைவோடு 

வெறுமையாய் இருந்த 

மனதோடு தேடலாய்

ஒரு நடை பயணம் 

வெறுமையை நீக்கிவிட்டு

வேராய் நீ நுழைந்த போது 

சுகமான நினைவுகளுடன் 

ஒரு நடை பயணம் 

 

சுகமான நினைவுகள் 

சுமையாகி போன போது

இணகங்கள் பிணக்குகளாகி 

பிரிவுகளுடன் ஒரு நடை பயணம் 

பிரிவுகள் நினைவுகளாகி 

நினைவுகள் ஏக்கங்களாகி 

ஏக்கங்கள் காதிருப்புகளோடு

ஒரு நடை பயணம் 

பயணித்து பயணித்து 

பாலைவனம் தாண்டி 

சோலை வனம் சென்று 

சுகமாய் இருப்பேனா இல்லை 

கால் தேய நடந்து நடந்து 

கால ஓட்டத்தில் காணமல் போய் விடுவேனா 

காரிகையே உனக்குத்தான் தெரியும் 

என் பயணத்தின் நிறைவு 

மீண்டும் பிறக்க ஆசை

ஒரு வினாடி
தாமதத்தின் அருமை 
இரயிலை தவற 
விட்டவனுக்குதான்
தெரியும் 

ஒரு வருஷ
தாமதத்தின் அருமை 
பரீட்சையில் தோற்று
போனவனுக்குதான்
தெரியும் 

உன்னை கைபிடிக்க
நான் எடுத்த தாமதம் 
இந்த ஜென்மத்தில் 
உன்னை இழந்த 
எனக்குதான் தெரியும்  

ஆகையால் மீண்டும்
பிறக்க ஆசை
மறுபடியும் உன்னுடன்
தாமதமில்லாத
பயணங்களுடன் 

நான் மட்டும்

கல்லூரி வளாகத்தில்
நம் கால் படியாத
இடங்கள் இல்லையே

கண்களின் வழியே
காதல் உணர்வுகள்  உன்
கண்ணாடியையும் தாண்டி
கவர்ந்து இழுக்குமே

சுகங்களுடன் உன்
சுமைகளையும் தூக்கி
பயணம் செய்தோமே

காவிரி கரையில்
தோழோடு தோழ் சேர்த்து
கனவுகளோடு இருந்தோமே

இன்று எல்லா   நினைவுகழுடன்
நான் மட்டும்
நீ இல்லாமல்

ஒரு பின்னோட்ட பயணம்

பாதை ஓரத்தில்
பாவை உன்னுடன் 
வாய் பேசாத மொழிகளை
கண்களால் பேசி

நின்று உரையாடிய
நினைவுகள் எல்லாம்
கால ஓட்டத்தில் 
கரைந்து போன காட்சிகள்

நினைவு ஓட்டத்தில்
மங்கலாய் மனதில்
மறந்து போன நினைவுகள் 
மங்காத ஏக்கங்களுடன்

ஒரு பின்னோட்ட பயணம்  

தாவணி கனவுகள்

கதிரவனின் வருகையின் முன்

காலை துயில் கலைத்து

ஈர குழல் முடிந்து முற்றம் பெருக்கி

வாயில் படியில்  தீபம் ஏற்றி

பூஜை அறையில் பூக்கள் சூடி

பின் தொழுது

நீல தாவணி சூடி பள்ளி செல்லும்

பைங்கிளியோ என்னும் அழகு

மாலையிலே மாமரத்தின் அருகில்

மயக்கத்துடன் உன்வரவுகாய் நானும்

மஞ்சள் வெயிலில் தங்கமென ஜொலித்து

என் அருகில் ஸ்வரங்களின் கூட்டு சேர்க்கையாய் நீயும்

பாட புதகத்தினோடு நீ 

காதல் அத்தியாயங்களோடு நான்

பரிமாறிய நினைவுகள் 

பதிவானவை பாதி முடிவாகதவை மீதி

அசைபோடுவோம்

அடுத்த ஜென்மம் வரை ...

ஏன் மனமே...

சுகமாய் நினைத்து 

சுமந்த மனது 

சுமையாய் நினைத்து 

சூன்யமாக்கிய பிறகு 

சுயம் கெட்டு ஏன் 

சுற்றி சுற்றி வருகிறாய் மனமே…

நினைவுகள் எல்லாம்

நீர்த்து நிர்மூலமானபிறகு

நீ மட்டும் நீங்காமல் நிற்கிறாய்

ஏன் மனமே....

  

வேண்டாம் என்று

வெற்றிடமாக்க பட்டு 

வெறுமையாகி போனபோதும் 

வேண்டும் என்று ஏன்

வீழ்ந்து கிடக்கிறாய் மனமே…

வென்று விட்டதாய் 

வீறு கொண்டு  

வெறுமையான உறுதிகொண்டு

வலுவிலாமல் போன பிறகு 

வலியே ஏன் செல்கிறாய் மனமே  

காத்திருப்புகள் எல்லாம்

கானல் நீராகி போனபிறகு

காலத்தினோடு கலவரம் 

செய்கிறாய் ஏன்  மனமே.. 

பார்வைகள் எல்லாம்

பழுதாகி போனபிறகு

பாதையே இல்லாத வழியில்

பாசத்தோடு ஏன் நிற்கிறாய் மனமே...

வழி அறியா பாதையில் 

வழிதடம் அழிந்து 

வழி தெரியாது நிற்கையில் 

வராத ஊருக்கு வழி தேடுகிறாய் 

ஏன் மனமே...

உன்னை வெல்ல வழி காட்டு ..

உன்னை முதன் முதலில்  கண்டபோது 

உன்னுள் இருந்தவைகள் எதுவுமே தெரியவில்லை 

முதல் பார்வையில் உன்னை என்னுள் பதியம் போட்டாய்

வேதனைகளை மறக்கும் வித்தையை கொடுத்தாய் 

உயிரின் வெம்மையை உணரவைத்தாய் 

உயர்ந்த ஒழுக்கத்தை என்னில் விதைத்தாய் 

வாழ்வின் உண்மைகளை வழித்தடமாய் காட்டினாய் 

பகலை இரவாக்கி காட்டினாய்

இரவினை இல்லாமல் ஆக்கினாய் 

மென்மையான பெண்மையையும் 

பெண்மையினுள் பேராற்லையும் காட்டினாய் 

கனிவையும் காட்டினாய் காளியாகவும் நின்றாய்

புன்னகையிலும் புரிதல் உண்டு என்று புதுமை காட்டினாய் 

கவிபாடவைத்து கவிஞனாக மாற்றினாய்

உன் நினைவுகளை என் கனவுகளோடு இணைத்தும் காட்டினாய் 

என் கேள்விகளுக்கு எல்லாம் பதிலாய் நின்றாய் 

அருகில் இருப்பதை விட அகன்று இருப்பதின் வலியை காட்டினாய் 

இன்று காத்திருப்பின் வலியையும் உணரவைத்து 

அதை வெல்லும் வழியை மட்டும் சொல்லாமல் 

மறைத்துவிட்டாயே அன்பே 

உன்னை வெல்ல வழி காட்டு அன்பே.... 

உனக்காய் காத்திருப்பில்

உன் உருவத்தை மட்டும் பார்த்த கண்கள்   

இன்று கண்ணீரை நிறைத்து நிற்கின்றன 

உன் பேச்சை மட்டுமே கேட்டு கொண்டிருந்த 

என் செவிகள் கேளாமல் போய்விட்டன 

உன்பெயரை மட்டுமே சொல்லி கொண்டிருந்த 

இதழ்கள் ஊமையாகி போய் விட்டன 

நீ இல்லாத அருகாமை அறியாது

என் விரக தாபங்கள் ராகமாய் தாளமாய்

நிலவில்லா வானத்தில் வெளிச்சத்தை தேடுகின்றன  

தளர்ந்து போன மனதிற்கு மட்டுமே தெரியும் 

நிறைந்து போன கண்களில் நீர் எதற்கென்று

எனி ஒரு தருணத்தில் காண நேரும் போது

ஓர விழியில் கண்ணீரும் இதழில் புன் சிரிப்பும் 

வேண்டும் என்று உனக்காய் காத்திருப்பில்