காதல் ஞானி

நீ தேடும் அமைதி கிடைக்க 
நீ ஞானியாக வேண்டிய அவசியம் இல்லை 
என் நியாயங்களை ஏற்கும் மனது 
இருந்தாலே போதும் 

பிணைப்புகள் இல்லை 
அதனால் பிரிவுகளும் இல்லை 
பிரிவுகள் இருப்பின் 
பிணைப்புகள் அதை விடுவதும் இல்லை 

வீழ்ந்து கிடக்கும் தோரணங்கள் எல்லாம் 
வேர்களாய் எழுந்து நிற்க 
முட்களால் சூழுந்துபோன வசந்த வாசல்களை 
மலர்களால்  அலங்கரிக்க உன் அழைப்பு ஒன்றே போதும் 

நீ இல்லாத நான்

சலனமே இல்லாமல் அமைதியாய் 

உன் இதயம் உன் அமைதியே 

கொந்தளிப்பில் என் இதயம் 

வாதங்கள் இல்லாது பார்வைகள் 

தொலைத்து சலனமே இல்லாமல் 

உன் இதயம் 

உள்ளத்தின் துடிப்பு கண்களில் 

உணர்வாய் துடித்து

அடங்கும் என் இதயம் 

உணர்வுகள் எல்லாம் வடிந்து 

உயிரற்ற உருவமாய் என் இதயம் 

அதனால் எனி அமைதியுறும் உன் இதயம் 

மனதின் குமுறல்

உன் நினைவுகளால் நான் 

வீழ்ந்து போனாலும் 

உன்னை விட்டுவிலகவில்லை 

நாம் இருந்த இடங்கள் யாவும் 

மறைந்து போனாலும் நீ விட்டு செனற 

தடயங்கள் இன்னும் மறையவில்லை 

எதிர் வாதங்கள் எல்லாம் 

எதிர் மறையானதால்  என் எதிரில்

எதிரியாக கூட நீ இல்லை 

நிஜங்களெல்லாம் ரணமாகி போனதால்  

நினைவுகளால்  கூட அதை 

குணபடுத்த முடியவில்லை

புன்னகை சூழ்ந்த இதழ்கள் இரண்டும் 

மௌனமாகி போனதால் உன்

அழைப்பைகூட அவை உதிர்க்கவில்லை 

பிரிவுகள் நம்மை பிரித்து வைத்தாலும் 

தொலைவுகள் நம்மை 

தொலைத்து விடவில்லை 

மறுப்புகள் எல்லாம் மலை போல் இருந்தாலும் 

மீண்டு வருவதும் மாண்டு போவதும் 

நம் கைகளில்தான் அன்பே